საქართველოს უზენაესი სასამართლოს ანალიტიკური განყოფილების ადამიანის უფლებათა ცენტრის საქმიანობის ფარგლებში მომზადდა ადამიანის უფლებათა ევროპული სასამართლოს მიერ 2015-2017 წლებში მიღებული მნიშვნელოვანი გადაწყვეტილებებისა და განჩინებების კრებული.
წინამდებარე კრებულის მიზანია მკითხველს გააცნოს ადამიანის უფლებათა ევროპული სასამართლოს პრაქტიკა, ახალი მიდგომები და პრეცედენტული სამართალი. მასში თავმოყრილია 2015-2017 წლების განმავლობაში ევროპული სასამართლოს მიერ განხილული მნიშვნელოვანი საქმეები კონვენციითა და დამატებითი ოქმებით უზრუნველყოფილი უფლებებისა და თავისუფლების შესახებ.
კრებული საინტერესო იქნება მოსამართლეებისთვის, ადვოკატებისთვის, ფართო პროფილის იურისტებისთვის, უმაღლესი სასწავლებლების იურიდიული ფაკულტეტის პროფესორ-მასწავლებლებისთვის, სტუდენტებისა და ადამიანის უფლებების საკითხებით დაინტერესებული პირებისთვის.
იხილეთ კრებული
